Uncategorized

الیکشن کمیشن کا 20 دسمبر کو اسلام آباد میں بلدیاتی انتخابات کرانے کا اعلان

الیکشن کمیشن نے اسلام آباد میں بلدیاتی انتخابات کا شیڈول جاری کردیا جس کے مطابق اسلام آباد میں بلدیاتی انتخابات کے لیے پولنگ 20 دسمبر کو ہوگی۔ الیکشن کمیشن کی جانب سے جاری نوٹیفکیشن کے مطابق پولنگ کے دن صبح 8 سے شام4 بجے تک بلاتعطل ووٹ ڈالے جاسکیں گے۔ الیکشن شیڈول جاری ہونے کے بعداسلام آباد میں تقریروں اورتبادلوں پرپابندی عائد کردی گئی ہے۔ الیکشن کمیشن کے جاری شیڈول کے مطابق بلدیاتی انتخابات کیلئے کاغذات نامزدگی 2 سے 6 نومبر تک وصول کیے جائیں گے، کاغذات کی جانچ پڑتال 9 سے 13 نومبرتک ہوگی۔