Uncategorized

پنجاب میں کرپشن سے متعلق بیان کا مقصد متبادل انتظام کیلئے جگہ بناناہے، خواجہ آصف

نجی ٹی وی سے گفتگو کرتے ہوئے خواجہ آصف کا کہنا تھا کہ کچھ سرمایہ دار بھی کارپیٹ بیگ لے کر آٹھ دس ماہ سے متحرک ہوئے ہیں، میرا خیال ہےکہ یہ ایک نیا گروپ تشکیل دے رہے ہیں، 2 سال بعد الیکشن ہونے ہیں، ان کا خیال ہے کہ ہماری جنریشن پرانی ہو رہی ہے اور شاید ہم ریٹائرڈ ہوجائیں یا الیکشن نہ لڑیں، جو آج 50 برس کے آس پاس ہیں ان میں سرمایہ دار بھی ہیں، شاید ان کا نیا گروپ بناننے کی کوشش ہے،کرپشن تو سارے پاکستان میں ہے، ہر عام آدمی صبح شام کرپشن کا سامنا کرتا ہے۔ خواجہ آصف کا کہنا تھا کہ مولانا فضل الرحمان نے میرے بارے میں بات کی تو میں نے بھی جواب دیا، نظریاتی اختلافات اپنی جگہ، اتنی تلخی نہیں ہونی چاہیےکہ سلام دعا کے بھی روادار نہ رہیں، نظریاتی اختلافات میں بھی دو نمبری نہیں ہونی چاہیے، تحریک انصاف نے چار سال میں سیاسی ماحول میں بہت زہر گھول دیا ہے۔ ان کا کہنا تھا کہ نہ کبھی فکسڈ گیم کھیلی ہے نہ کبھی ایسی گیموں کا کھلاڑی ہوں، میرا نہیں خیال کہ حکومت کھولےگئے کیسز واپس بندکرےگی، ہم اگر ایسی فکسڈگیم کھیلیں گے تو پھر قیمت ہمیں پھر ادا کرنا ہوگی مولانا صاحب کو نہیں۔