Uncategorized

’ہمت ہے تو آؤ لانگ مارچ کرو‘: وزیر اطلاعات عطا تارڑ کا پی ٹی آئی کو چیلنج

وفاقی وزیر اطلاعات و نشریات عطا تارڑ نے پاکستان تحریک انصاف (پی ٹی آئی) کو چلینج دیتے ہوئے کہا ہے کہ ہمت ہے تو آؤ لانگ مارچ کرو، انہوں نے کہا کہ پی ٹی آئی والے بزدل لوگ ہیں اسی لیے لانگ مارچ اور دھرنوں سے بھاگ رہے ہیں۔ جمعے کے روز اسلام آباد میں خصوصی گفتگو کرتے ہوئے وزیر اطلاعات عطا تارڑ نے کہا کہ خیبر پختونخوا میں امن و امان کی صورت حال سب کے سامنے ہے، صوبائی حکومت نہ صرف حالات سے لاعلم ہے بلکہ امن و امان کو برقرار رکھنے کے حوالے سے اقدامات لینے سے بھی گریزاں ہے، صوبائی حکومت دہشت گردوں کی سہولت کاری کر رہی ہے، دہشت گردوں نے تمام سیاسی جماعتوں پر حملے کیے مگر تحریک انصاف دہشت گردوں کی منظور نظر رہی ہے۔